# وين أنت غايب لعنبوا حيك أبطيت #

وأين أنت غايب لعنبوا حيك أبطيت
وأنا أحترق من لهفتي لك وأعاني

ياصاحبي مليت مليت مليت
وأنا أتحرى شوفتك لو ثواني






تعال شوف بغيبتك وش سويت
تعال شوف بغيبتك وش جاني

والله لو تشوف حالي لما جيت
ماعاد تطري غيبتك يوم ثاني






هم وعذاب وجور حزن وتناهيت
وونه تزعزع خافقي من زماني

هذا أنا في غيبتك يوم اقفيت
يلي مكانك نازح(ن)عن مكاني





ناديت لاكن مانفع يوم ناديت
صديت عني يوم غيرك دعاني

أدري تبي عني تغلا يامالفيت
لاكن قسم بالله ماجيك عاني




بس أعرف أنك كان طولت ماجيت
أني معلق بك حلوم وأماني

وأني أنتظر وأنكان ماعاد رديت
فماني مدور بعدك أنسان ثاني




لأني أحبك صدق وأنكان ماوفيت
بظغط على نفسي وأعاتب كياني

وأكبر دليل أني بعد ماتغليت
ماجيت لك معدوم شعور وأناني






لاكن تعال أعلمك أنك أبطيت
على عيوني يابعد من هواني

وأني أحبك صدق وأنكان ماجيت
فماني مدور بعدك أنسان ثاني



هذي الخاطره مع اني مو انا اللي كاتبتها

لاكن تعبر عن شعوري والصور من إختيار احساسي

واتمنى يعجبكم احساسي وشعوري